Mund të kemi një tjetër Nintendo Direct gjatë shkurtit

Zërat po shtohen rreth një tjetër konference nga Nintendo

Duket se sezoni i Nintendo Direct ka nisur, tashmë që shfaqja është rikthyer. Nintendo e publikoi Direct-in e fundit për Animal Crossing: New Horizons në 20 shkurt. Chriss Scullion, një ish-shkrimtar për revistën zyrtare të Nintendo, thotë se do të ketë një tjetër Direct gjatë shkurtit. Sipas tij, ky informacion vjen nga një burim i cili ka qënë i gabuar vetëm një herë më parë.

Nëse marrim parasysh se zërat e mëparshëm kanë qënë të saktë, ka shumë arsye për ta besuar. PAX East 2020 është shumë pranë dhe Nintendo do të jetë një prej pjesëmarrësve, gjë që i surprizoi njerëzit duke parë se e vetmja lojë që do të vijë prej tyre është Animal Crossing: New Horizons.

Nintendo njihet për pjesëmarrjen e shpeshtë në PAX East dhe PAX West, por nuk duket se ata kanë shumë për të prezantuar këtë rradhë. Thuhet se Direct-i i ardhshëm do të zbulojë se çfarë do të sjellë Nintendo në konferencë. Zakonisht. këto prezantime zgjasin rreth 40 minuta dhe flasin për shumë lojëra, prandaj pritet të shohim se çfarë do të zbulojë Nintendo.