Ninja vjen me një bashkëpunim të ri

“Ninja x Adidas: Time in”

Pak javë pasi Ninja la Twitch për t’ju bashkuar platformës streaming të Microsoft, Mixer, një bashkëpunim tjetër duket të jetë në horizont për të, këtë rradhë me një markë rrobash.

Fansat në Mixer ishin të shpejtë të vërenin një postim të çuditshëm në kanalin YouTube të quajtur, “Ninja x Adidas: Time in”. Videoja ishte 54 sekonda e gjatë. Postimi u fshi menjëherë nga kanali pas një numri shumë të vogël shikimesh.

Duket se publikimi i videos ishte jo i qëllimshëm, por një konfirmim mund të pritet së shpejti.

Duke qenë se ky bashkëpunim ende nuk duhej bërë publik, detajet janë të pakëta për momentin. Gjithsesi Adidas është një markë që ka investuar disa herë në gaming dhe esports. North Esports, Team Vitality dhe Team Heretics janë disa nga skuadrat që kanë bashkëpunuar më parë me Adidas.

Gjithsesi momentalisht fansat duhet të presin për konfirmimin mes këtij partnershipi, edhe pse ne do të thonim që është një ngjarje e sigurtë.