Tyler ‘Ninja‘ Blevins ka thënë se Epic “ka humbur rrugën” me lojën e tyre të famshme battle royale në Fortnite Chapter 2. Ninja ka qenë gjithmonë një nga anëtarët më të përfolur të komunitetit të lojës, që gjithmonë e ka thënë haptazi mendimin e tij, me qëllim për të përmirësuar lojën.
Chapter 2 pastaj ka sjellë të mira dhe të këqija në Fortnite dhe edhe Ninja e di këtë. Sipas tij kjo ka ndodhur sepse Epic ka “humbur rrugën” pas eventit të vrimës së zezë që mbylli kapitullin e parë të lojës, duke u “shkëputur” nga fansat.
“Do tregohem i sinqertë këtu. Kam folur me Epic dhe i di dy gjëra më shumë: Epic e ka humbur, ka humbur rrugën, ka humbur komunikimin dhe ka humbur komunitetin. Thjesht kanë humbur,” tha Ninja.
“Gjatë rrugës pati një shkëputje të madhe. Diçka u thye dhe nuk u ndreq dot më. Nuk po them që domosdoshmërisht kjo është diçka e keqe, por kjo është arsyeja pse Fortnite nuk është në stadin që ka qenë dikur.”
Fortnite ka hasur vështirësi për të kënaqur fansat në Chapter 2. Gameplay ka patur një pikëpyetje mbi të gjatë gjithë kësaj kohe dhe harta e re nuk është se u prit me krahë hapur. Plus që patch notes thjesht kanë avulluar.
Sigurisht që ka patur evente fantastike, si ai i Travis Scott përshembull, por në terma të gameplay-it ka patur plot boshllëqe.