Ninja shpreh neveri ndaj Twitch, pasi ky i fundit promovoi porno në kanalin e tij

Për herë të parë që pas largimit, Ninja flet për Twitch

Në këtë pikë edhe nëse je duke jetuar nën një shpellë e di që ish ylli i Twitch, Ninja ka kaluar në platformën streaming të Microsoft, Mixer. Ai ka lënë pas 14.7 milionë ndjekës duke e bërë këtë gjë dhe tani është pika ku më në fund e ka shfryrë inatin me ish vendin ku bënte stream.

Ninja postoi një video, ku deklaronte se i vinte neveri nga veprimet e Twitch, që promovonte kanale të tjera në kanalin e tij, ndër to edhe një kanal pornografik.

“Siç ju e dini, jam duke bërë stream në Mixer tani,” Filloi Ninja. “Unë dhe skuadra ime jemi siguruar që ky kalim të bëhej në një mënyrë profesionale dhe nuk kemi thënë asgjë të keqe ose negative deri më tani për Twitch.”

Gjithsesi nuk u desh shumë përpara se videoja e Ninja të tregonte indinjimin e vërtetë që ai kishte, duke shpjeguar se si ishte i vetmi streamer që kishte rënë pre e një trajtimi të tillë, ku kanali i tij përdorej për të promovuar kanale të tjera. Streamer-i gjithashtu i kërkoi falje fëmijëve që mund ta kenë parë promovim pornografie në kanalin e tij.

“Kam kaluar tetë vite duke e ndërtuar atë kanal… dhe ata e përdorin për të promovuar streamera të tjerë. Kishte një adresë pornoje që rekomandohej si numri një në kanalin tim.”

Ninja e pasoi videon duke postuar një tjetër mesazh tjetër në Twitter, duke sqaruar se kanali i pornos nuk do të kishte qenë problem fare nëse Twitch nuk do ta kishte lejuar që kanali i tij i vjetër të përdorej për qëllime reklamimi.

Edhe streamer-at e tjerë janë duke mbajtur anën e Ninja në këtë situatë, duke treguar një reagim përgjithësisht negativ ndaj Twitch. Gjithsesi ishte reagimi i Ninja ai që i bëri përshtypje të gjithëve.

Mendohet se avokatët e Ninja janë duke i hedhur një sy skandalit dhe raportimet thonë se pas këtij skandali, mund të ngrihet edhe një padi ndaj Twitch.

Që nga ajo pikë Twitch e ka kthyer kanalin e Ninja në të njejtën mënyrë se si do të dukej një kanal normal offline. Vetë Ninja e konfirmoi këtë gjë dhe e falenderoi Twitch për këtë.

Pas incidentit CEO i Twitch nxorri një deklaratë ku thoshte se do të donte ti kërkonte falje ballë për ballë Ninja për ngjarjen e ndodhur.