Ninja shpjegon pse Fortnite Season 11 ka nevojë për më shumë se sa një hartë

Tyler ‘Ninja‘ Blevins ka shprehur opinionin e tij për Fortnite Season 11, pas leak-ut të Chapter 2. Fansat e lojës u shokuan dje kur në App Store-in Italian doli Fortnite Chapter 2. Sado që disa fansa sugjeruan se mund të mos ishte e vërtetë, një nga fansat kishte arritur ta kapte në video, për të konfirmuar vërtetësinë e saj.

Teori të shumta kanë lindur për gjërat që do të vijnë në Season 11, përfshirë një hartë dhe mekanika të reja. Edhe Ninja ka shprehur opinionin e tij për këtë sezon të ardhshëm, gjatë stream-it të tij me Cloak.

“Season 11 do të sjellë një hartë të re dhe ne mund të mësohemi mjaft kollaj me të. Është e rëndësishme të kuptojmë se u desh një kohë shumë e gjatë që të gjithë të mësoheshin me hartën origjinale të Fortnite dhe të gjitha shtojcat e saj.”

Ylli i streaming vijoi, duke thënë se si lojtarët jo vetëm po mësonin më shumë për lojën, por për mekanikat e saj kyçe dhe se si një ndryshim i vogël mund të ndryshojë çdo gjë që ne dimë për battle royale-in. Gjithsesi Ninja theksoi se nuk do të mërzitej nëse do të kishte ndonjë lloj ndryshimi gjigand në gameplay në pritje për sezonin e ri.

“Pra, deri diku dua që Epic të sjellë gjëra të reja në lojë, ndoshta një mekanikë që do i trazojë pak gjërat. Nuk do të acarohesha po të sillnin ndryshime të mëdha, kaq dua të them.”

Sado që shumica e lojtarëve ende nuk ja kanë idenë se çfarë i pret për Season 11 të Fortnite, nuk është çudi që Ninja ti ketë parë gjërat më herët dhe të jetë duke hedhur disa shenja në deklaratën e tij. Gjithsesi pritja nuk do të jetë e gjatë, pasi nesër është dita e fundit e Season 10.