Ninja largohet nga Twitch, do të bëjë stream vetëm në Mixer

Një kapitull i ri për ish-yllin e Twitch

Tyler “Ninja” Blevins pati shpërthimin e tij në platformën e streaming Twitch gjatë fillimit të boom-it të Fortnite, po duket se streamer-i e ka lënë të shkuarën mbrapa. Ninja lajmëroi se nga dita e sotme, ai do të bëjë stream ekskluzivisht në Mixer, platformën e streaming të Microsoft.

“E di që kjo do të shokojë shumë prej jush. Do të jem i njëjti Ninja, thjesht në një platformë tjetër,” – tha ai.

Sipas Twitch Tracker, Ninja ka 14,956 subscribers në platformën në pronësi të Amazon, një rënie kjo në krahasim me kulmin e tij me mbi 285,000 subscribers në mars të 2018, shumica e të cilëve vijnë nga Amazon Prime. Ai është gjithashtu një prej streamer-ave më të mëdhenj të kësaj platforme dhe kjo padyshim është një humbje e madhe për Twitch.

Kushdo që dëshiron të bëjë subscribe te Ninja në Mixer këtë muaj mund ta bëjë këtë gjë falas. Të jesh subscriber të jep mundësinë të përdorësh emoji të veçanta të Ninja dhe mos të kesh reklama. Stream-et ditore të Ninja do të vazhdojnë në Mixer, nga ora 16:30 deri në orën 01:00.

Sipas një deklarate për shtyp, stream-i i tij i parë do të jetë ditën e sotme. Ninja tha se kjo lëvizje ka për qëllim ta sjellë atë më pranë rrënjëve të tij, pasi ai e nisi karrierën e tij si personazh në botën e gaming me Halo, e cila është gjithashtu në pronësi të Microsoft.

Mixer, edhe pse nuk është aq popullor sa Twitch, ka kohë që ka një rritje të komuntetit për shkaktë disa veçorive që nuk mund të gjenden askund tjetër. Për shëmbull, një streamer mund të vendosë të lejojë një përdorues të përdori controller-in e tij virtualisht. Gjithashtu, ata mund të bëjnë një stream së bashku me 3 shokë të tyre dhe platforma ka shumë veçori të tjera interaktive brenda saj. Së fundi, Mixer thuhet se ka dhe një komunitet shumë më miqësor se Twitch.