Ninja klasifikohet si një nga njerëzit me më influencë për 2019n

Ai ka hyrë në listën e ‘Njerëzve më Influencues’ nga Time

Tyler Blevins, i njohur kryesisht si Ninja është konsideruar të jetë në listën e njërzve më influencues në botë nga Time. Ai qëndron pranë Brie Larson, The Rock dhe vetë Papës si një nga 100 njerëzit me më influencë në 2019n. Një figurë mjaft e dashur për të gjithë duhet ta pranojmë, mbi të gjitha për fansat e Fortnite.

JuJu Smith-Schuster, një lojtar futbolli profesionist, i cili ishte pjesë e skuadrës që theu çdo rekord të Twitch vitin e shkuar, Drake/Ninja, shkroi për eksperiencën e tij me Ninja në listën e Time.

“Personalisht unë luaj në NFL, ndaj do të mendoje që nuk do isha shumë tipi i personit që impresionohet nga të famshmit e tjerë. Gjithsesi Marsin e vitit të shkuar kur unë së bashku me Drake dhe Travis Scott luajtëm një lojë Fortnite me Ninja, mbeta pa fjalë. Po qëndroja aty mes miliona njerëzve anë e mbanë botës që kishin parë Ninja të luante Fortnite çdo ditë, prej muajsh tashmë. Ai ishte padyshim më i miri në botë në atë që bënte dhe kam pafund respekt për të si një atlet, por gjithashtu si një fans.”

“Kam qenë fanatik i videolojërave gjatë gjithë jetës sime, por njerëzit gjithmonë e kanë parë si diçka fëmijënore ose si një shpërdorim të kohës. Ninja nga ana tjetër iu vërteton të gjithëve të kundërtën. Ai njeri është një legjendë dhe padyshim është dikush që të gjithë i detyrohemi një falenderim që e ka sjellë gaming këtu ku është sot.”

Pak hiperbolike si deklaratë, por gjithsesi e vërtetë. Ninja ka qenë një lojtar profesionist dhe streamer prej vitesh tashmë. Gjithsesi pika më e larë e karrierës së tij erdhi me Fortnite në 2017n.

Në fund të ditës është vërtetë diçka e këndshme të shohësh pjesëmarrjen e një figure të tillë në listën e Time. Na bën të gjithëve të mendojmë që industria e gaming është duke marrë hap pas hapi vlerësimin që meriton të ketë.