Ninja dhe Reverse2k thyen rekordin për streak-un e fitoreve duo në Fortnite

Streamer-at e Fortnite, Ninja dhe Reverse2k vendosën një rekord të ri për fitoret e njëpasnjëshme në ndeshjet duo.

Ninja dhe Reverse2k kanë vendosur një rekord të ri për streak-un më të gjatë të fitoreve në Fortnite. Streamers-at Ninja dhe Reverse2k e thyen rekordin për numrin më të madh të fitoreve të njëpasnjëshme dhe më e bukura është që e bënë të dukej kaq e lehtë.

Rekordi qëndronte në 42 fitore në një streak. Ninja dhe Reverse2k i duheshin 43. Me rreth 10 fitore që ju kishin mbetur, ata i kaluan ndeshjet e tyre me vështirësi minimale. Në fillim të stream-it, Ninja pati një problem dhe u bë disconnect, duke e lënë Reverse 2k të rrethuar nga kundërshtarët. Gjithsesi ai e shpëtoi ndeshjen, duke eleminuar katër lojtarë dhe duke futur në xhep fitoren.

Me kalimin e kohës edhe rrethi që ngushtohej u bë një kërcënim më vete. Këtu Ninja i ktheu nderin Reverse2k i cili ra pre e rrethit. Dy personat e fundit vdiqën, duke lënë Ninja dhe Reverse 2k me një tjetër fitore.

Strategjia e tyre ishte që të luanin qetë dhe ti linin lojtarët e tjerë të vrisnin njëri-tjetrin. Ninja përmendi se kjo lloj strategjie ishte e re për ta. Dje ai tha se kishin një mesatare prej 15 deri në 30 kills për lojë. Por me dy streamera kaq të mëdhenj që vihen pas një rekordi, lojtarët e tjerë ishin gjithashtu të vendosur për ti ndaluar. Duke luajtur me kujdes ata ja dolën që të shmangin stream snipers.

Në fitoren e fundit të tyre presioni i madh ra dhe emocioni i përshkoi të dy lojtarët. Një përfaqësues i Epic Games i uroi dhe u dha një medalje për suksesin e tyre. Duhet ta pranojmë me 43 fitore rresht, ceremonia ishte mëse e merituar.