Ninja dhe Mark Hamill do të bëjnë një njoftim misterioz për Fortnite

Ylli i streaming Tyler “Ninja” Blevins është duke bashkëpunuar me vetë Luke Skywalker, Mark Hamill, për një promovim të veçantë për lojën battle royale, Fortnite.

Epic Games dhe Disney tashmë kanë punuar së bashku për të sjellë cosmetics eskluzive në Fortnite, por duket se gjërat nuk do të mbyllen me kaq. Tani, personaliteti më i madhi lojës ka rradhën për të bashkëpunuar me diçka që lidhet me Star Wars.

Ata të dy nuk dhanë shumë detaje se çfarë mund të presim, por pak ditë na ndajnë përpara se ta marrim vesh. Njoftime të tilla priteshin nga Ninja që në momentin që ai kaloi në Mixer. Me rrënjët e Ninja në Halo, ishte vetëm çështje kohe përpara se Microsoft të gjente mënyra për të promovuar lojëra të Xbox.

Njoftimi do të jetë pjesë e serive Xbox Sessions, ku të ftuarit luajnë një lojë, duke treguar veçoritë e reja të saj. Në videon që postoi Ninja mund ta shohim duke luajtur me Mark Hamill, ndaj duket se ai ja ka një ide se çfarë do të vijë në lojë.

Me këtë njoftim që erdhi pak para premierës së filmit, Epic Games mund të ketë dhe një as tjetër nën mëngë.