Night City Wire i Cyberpunk 2077 do të vijë në 19 Nëntor

Episodi i pestë i Night City Wire për Cyberpunk 2077 do të vijë më 19 nëntor

Gjatë kësaj të enjteje CD Projekt do të sjellë një episod të ri të Night City Wire. Episodi i pestë pritet të tregojë më shumë informacione për Johnny Silverhand i cili luhet nga Keanu Reeves. rreth muzikës të cilën do ta dëgjoni kur të luani Cyberpunk 2077 dhe më shumë.

Një prej këngëve që do të vijë në Cyberpunk 2077 e dëgjuam javën e kaluar. Run The Jewels transmetoi këngën e tyre No Save Point, një këngë e cila do të jetë pjesë e Cyberpunk 2077 në një farë mënyre. Gjithashtu kjo këngë sjell referenca nga aktori Keanu Reeves i cili është pjesë e lojës gjithashtu.

Gjithashtu Cyberpunk 2077 ka bërë një bashkëpunim me kompaninë e veshjeve Adidas për të dizajnuar disa këpucë limited edition për lojën e CD Projekt. Fatkeqësisht këto këpucë do të jenë të vlefshme vetëm në Kinë bashkë me smartphone OnePlus i cili gjithashtu do të jetë i frymëzuar nga Cyberpunk 2077.

Episodi i pestë i Night City Wire do të transmetohet më 19 nëntor, në të njëjtën datë që do të lançohej Cyberpunk 2077 para se të shtyhej. Në më pak se një muaj Cyberpunk do të lançohet në platformat PC, Xbox One, Xbox Series X dhe S, PS4 dhe PS5. Gjithashtu shpresojmë që loja të mos shtyhet pasi një shtyrje tjetër e datës së lançimit do t’i acaronte shumë fansat e lojës.