Ngritja dhe rënia e Fortnite

Fortnite Chapter 2 Season 3 ka patur regime të miksuara nga audienca. Nga njëra anë ka patur disa skine dhe veçori të reja, por nga ana tjetër këto të fundit shpesh janë shoqëruar me vonesa ose probleme të tjera. Përtej këtyre, shumë content creators në Fortnite janë ankuar mbi disa aspekte kyçe të lojës, që Epic duhet t’i rregullojë sa më shpejt të jetë e mundur.

Përgjatë muajve të fundit, pamë disa gamers të njohur të Fortnite si SypherPK, Ninja dhe Bugha, të ankoheshin për probleme të ndryshme që kishte loja. Akuza të mëtejshme janë bërë përsa i përket mungesës së kontentit dhe updateve të konsideruara si ‘Clickbait’ nga ana e Epic.

Tashmë një tjetër figurë e njohur e Fortnite, youtuber-i SunnyV2, ka postuar një video ku dokumenton ngritjen dhe rënien e Fortnite:

RËNIA E FORTNITE

Shumica e gamers në Fortnite me shumë gjasa e mbajnë mend herën e parë që e luajtën lojën. Ajo u bë virale për punë muajsh dhe shumë figura të njohura në gaming, fokusuan karrierën e tyre në të. Në 2018 loja kishte $2.4 miliardë fitime, por që nga ajo pikë është dukur se Fortnite ka parë vetëm rënie.

Ajo bëri rreth $1.8 miliardë fitime në 2019 dhe sado që kjo është sërish një sasi gjigande të ardhurash krahasuar me lojërat e tjera, probleme të tjera nuk kanë munguar. Videoja tregon një klip të disa nga streamerave të Fortnite si Ninja, Tfue, Myth dhe Daequan Loco.

Këtu vërejmë se disa streamers janë ankuar për aspekte të ndryshme të Chapter1. SypherPK dhe Ninja shpjegojnë problemet e tyre me lojën dhe shohim edhe streamera të tjerë të flasin për disa nga update-et e komplikuara dhe deri diku të panevojshme, që bënte Fortnite atëherë.

Loja u zhvillua fillimisht nga Epic Games, me synim për të kombinuar elementët e lojërave si Minecraft dhe lojëra first-person-shooter, për të krijuar kështu diçka unike. Më tej pamë integrimin e lojës me zhanrën battle royale, pika ku praktikisht shpërtheu edhe suksesi i saj. Ja vlen të përmendim se meritat për këtë i kishte dhe fakti që ishte free-to-play.

Pas shtimit të valës së streamerave që po e luain, loja ju fut dhe turnamenteve dhe dalëngadalë skenës së esports. Në këtë aspekt mund të përmendim Fortnite World Cup si eventin më të madh.

Gjithsesi, u duk se nga kjo pikë e tutje, kishte vetëm rënie. Loja haset me update problematike dhe një ndryshim total në përqasjen e Epic. Riprezantimi i skineve të vjetra filloi të linte përshtypjen se asnjë skin nuk ishte realisht ‘rare’ dhe Epic u duk se kishte dhënë çdo gjë që i kishte mbetur.

Kjo u pasua më tej me glitchet e shumta, bugs dhe klipe ku streamera si Ninja dhe SypherPK kërcënonin të hiqnin dorë nga loja në inat e sipër. SypherPK është ndër ata që ka folur gjerë e gjatë për probleme të ndryshme që ka loja, sidomos ato që lidhen me ritmin e saj.

Së fundmi, kaluam në Chapter 2, që solli një rritje të përkohshme të interesit, nuk mund ta mohojmë. Por, fatkeqësisht, Fortnite nuk ja doli që të rikthehej në lavdinë e dikurshme. Vidoeja përfundon duke i vënë gishtin mungesës së update-ve të mira dhe humbjes së përgjithshme të interesit, si dy arsyet kryesore për rënien e saj. Shikojeni shtjellimin e plotë të saj më poshtë: