NFT-të po çmendin njerëzit sipas CEO-s së Binance

CEO i Binance, Changpeng Zhao nuk është një fans i madh i non-fungible-tokens (NFT). Ai mendon se çmenduria e NFT-së është “bonkers” dhe “njerëzit kanë humbur mendjen”. NFT është çdo gjë duke filluar nga arti juaj, vizatimi, muzika, GIF, etj apo edhe një selfie mund të shndërrohet në një NFT.

Çdo skedar dixhital mund të shndërrohet në një NFT në bazën e të dhënave të shpërndarë në blockchain. Është një certifikatë autenticiteti për veprat artistike, muzikën, videot dhe madje edhe tweet-et.

Në një intervistë të fundit me Fortune, Zhao tha çfarëdo qoftë mendimi juaj për NFT-të, ato nuk mund të injorohen. Ata “i lejojnë artistët të fitojnë para nga puna e tyre përsëri globalisht … dhe të arrijnë një audiencë shumë më të gjerë.” Ai shton: “Dikush nga Singapor mund të paguajë 69 milionë dollarë për artin tuaj.”

Ajo që i bën NFT-të unike nga format e tjera dixhitale është se ajo mbështetet nga teknologjia Blockchain. Për ata që nuk janë iniciuar, Blockchain është një “libër shared” ku regjistrohen të gjitha transaksionet. Është si libreza juaj e bankës, përveçse të gjitha transaksionet tuaja janë transparente dhe mund të shihen nga kushdo dhe nuk mund të ndryshohen ose modifikohen pasi të regjistrohen.

Jo vetëm Zhao, por edhe bashkëthemeluesi i Ethereum, Vitalik Buterin nuk është një fans i madh i NFT-ve. Buterin është i shqetësuar se si Bored Ape Yacht Club (BAYC) NFT janë bërë simbol i pasurisë dhe statusit. Në një intervistë me Time magazine, Buterin e quajti koleksionin e avatarit të majmunëve “një lloj tjetër “bixhozi”.