Netflix sjell The Witcher: Blood Origin, një prequel me gjashtë episode

Seriali do të vendoset 1,200 vite përpara aventurave të Geralt.

Adaptimi i The Witcher në Netflix tashmë e ka futur në xhep një sezon të dytë, një film të animuar dhe tani do të kemi edhe një prurje të re në listë. The Witcher: Blood Origin është një serial prequel live-action i vendosur më shumë se një mijë vite përpara se Geralt të fillonte të bridhte Continent.

Njoftimi lexon: “1200 vite përpara Geralt of Rivia, bota e përbindëshave, njerëzve dhe elfëve u shkri në një dhe kështu u krijua dhe Witcher-i i parë.” Serilai do të jetë nën drejtimin e Declan de Barra dhe Lauren Hissrich.

Perifrazimi i botës që shkrihet në një është referencë për Conjuction of the Spheres, eventi që mbajti rraca dhe krijesa të ndryshme të mbinatyrshme të gjitha në një dimension.

Në lojëra dhe në libra Conjuction of the Spheres ndodhi përpara 1,500 viteve.

Ka shumë boshlliqe në atë që dimë për origjinën e witchers, gjë që me shumë gjasa do i japi ekipit të skenaristëve më shumë liri për të futur idetë e tyre në serial. Përtej kësaj nuk dimë shumë gjëra të tjera për serialin dhe ende jemi në pritje të një date lançimi.