Netflix nuk njeh limite pas blerjeve të filmave që ka bërë kohët e fundit dhe së fundmi kjo platformë streaming ka marrë thriller-in e ardhshëm horror të quajtur The Pale Blue Eye me protagonist Christian Bale.
Filmi në fjalë ndjek përpjekjen për të zgjidhur një seri vrasjesh që ndodhën në 1830 në U.S. Military Academy në West Point. Sipas raportimit të bërë nga Deadline, Bale do të interpretojë një detektiv veteran që heton vrasjet, i ndihmuar nga një kadet i ri i cili më vonë do të bëhet një autor me famë botërore i quajtur Edgar Allan Poe (ende nuk dihet se kush do ta interpretojë Poe).
Drejtuar nga Scott Cooper, The Pale Blue Eye do të ketë aktorin dhe regjisorin të cilët po ribashkohen përsëri pasi të dy kanë qenë pjesë e shumë projekteve kinematografike. Cooper shkruajti edhe skenarin për The Pale Blue Eye i cili është një përshtatje e romanit të Louis Bayard me të njëjtin emër.
Filmi pritet të xhirohet në vjeshtë pasi Bale të ketë mbaruar punën e tij në projektet e ardhshme të cilat janë filmi i pa titulluar i David O Russell dhe Thor: Love And Thunder, të cilët aktualisht janë në prodhim.
Kjo nuk është blerja e vetme e madhe e fundit e Netflix pasi platforma streaming kohët e fundit pagoi një shumë tepër të madhe për The Ice Road me protagonist Liam Neeson. Gjithashtu Netflix ka deklaruar se do të sjellë një film të ri çdo javë të vitit dhe duhet të themi që ky mund të jetë një vit i artë për Netflix.