Netflix sapo ka zbuluar imazhet e para nga The Witcher , një serial me Henry Cavill si Geralt of Rivia, protagonisti i shfaqies. Kemi patur të bëjmë edhe me pamje të tjera të prapaskenave, por këto janë imazhet e para që japin një ide tamam mbi personazhet kryesore, përfshirë këtu Geralt, Yennefer dhe Cri.
Krahas imazheve, Netflix publikoi edhe një përshkrim të shkurtër për serialin. Mesa kuptuam ky i fundit do të bazohet më shumë në novelat, se sa në videolojërat, ku shumica e njerëzve e njohin The Witcher.
“Bazuar në librat fantazi best-selling, The Witcher është një histori epike e fatit dhe familjes. Geralt of Rivia, një gjuetar përbindëshash, ka vështirësi të gjejë veten në një botë ku njerëzit shpeshherë dalin edhe më të tmerrshëm se bishat. Kur fati e çon atë te një magjistare e fuqishme dhe te një princeshë e re me një sekret të rrezikshëm, të tre duhet të menaxhojnë situatën e parashtruar së bashku.” Ka shkruar Netflix.
Shikojini imazhet e publikuara më poshtë.