Seriali do të nisë në dhjetor
Seriali do të nisë në dhjetor
Më në fund, tashmë kemi një datë lançimi për serialin e Witcher në Netflix. E vënë re nga Redanian Intelligence, llogaritë në rrjetet sociale të Netflix Netherlands zbuluan se sa kohë do të na duhet të presim për lançimin e filmave dhe serialeve të ndryshëm në Netflix, ku më i rëndësishmi këtu është padyshim The Witcher.
Sipas postimit tashmë të fshirë, The Witcher do të shfaqet 97 ditë pas 11 shtatorit, pra në 17 dhjetor. Këtë mund ta shihni nga postimi në Facebook më poshtë.
Disa prej këtyre datave të lançimit diheshin më herët, por deri më sot Netflix e ka mbajtur plotësisht të fshehtë datën e lançimit të The Witcher. Duke qënë se ky postim u bë gabimisht, nuk mund të jemi të sigurt nëse The Witcher do të lançohet ekzaktësisht në 17 dhjetor, pasi data e lançimit mund të ndryshojë nga tani deri në zbulimin zyrtar. Megjithatë, ky postim ngelet padyshim një tregues i mirë.
Ne e pamë për herë të parë me vëmendje serinë në korrik, kur Netflix zbuloi trailerin e parë. Është shumë i mirë dhe në qoftë se keni nevojë për rifreksim hidhini një sy më poshtë.