Netflix do Mark Hamill për The Witcher Season 2

Shohim një Vesemir në horizont.

Duket se kërkesa e fansave për të sjellë Mark Hamill në The Witcher ka kapur vëmendjen e Netflix. Burime të shumta janë duke raportuar se Netflix i ka ofruar Hamill një rol kyç në sezonin e dytë të The Witcher, si mentori i Geralt, Vesemir. 

Nuk dihet nëse Hamill e ka pranuar rolin e Vesemir, por raportime të ndryshme sugjerojnë se oferta nga ana e Netflix është bërë. Një burim ka thënë se fillimisht roli i Vesemir ju ofrua Michael Keaton dhe Mads Mikkelsen, por të dy aktorët e refuzuan .

Netflix gjithashtu po punon në një film të animuar të The Witcher të quajtur Nightmare of the Wolf, që është i gjithi i lidhur me Vesemir. Nëse Hamill do e pranonte rolin e ofruar nga Netflix, talentet e tij zanore mund të ishin një përputhje e mirë edhe për filmin vizatimor, por ky është i gjithi spekulim.

E gjitha filloi nga një tweet në mars të 2018s, ku një fans i bëri tag Hamill për rolin e Vesemir. Hamill u përgjigj duke thënë se: “nuk ja kam idenë se çfarë është kjo, por jam dakord që duhet ta luaj unë”. Adresa zyrtare e The Witcher ju përgjigj Hamill pastaj me një emoji sysh dhe një efekt të shpejtë Photoshop-i.

Pasi seriali i The Witcher u transmetua, e njejta situatë ndodhi sërish. Hamill tha: “Ende nuk e kam idenë se çfarë është kjo, por DI që nuk më kanë kërkuar ende ta luaj Vesemir.” Këtë rradhë ishte Lauren Hissrich ajo që u përgjigj me emoji sysh.