Netflix do të jetë në E3 2019 me plot njoftime për lojëra

Sot, në adresën zyrtare të Netflix në Twitter u postua një njoftim se kompania do të shfaqet në E3 me një panel të veçantë për të dhënë disa njoftime lojërash.

E gjitha ndodhi përmes një lloj bashkëbisedimi me E3 ku Netflix prezantoi konceptin e sjellies së shfaqeve tona të preferuara në videolojëra. Kompania gjithashtu tha se do të ketë shumë lojëra të tjera që do të njoftohen përveç Stranger Things.

Fatkeqësisht Netflix nuk dha ndonjë detaj tjetër, por këto postime na konfirmojnë se kompania do të zgjerojë prezencën e saj në industrinë e gaming dhe këtë do e bëjë pikërisht duke sjellë serialet tona të preferuara në jetë përmes videolojërave.

Do të jetë interesante të shohim deri ku e ka vënë syrin Netflix për sa i përket gaming. Në rastin tonë Stranger Things 3: The Game është një lojë e vogël indie, por nëse kompania do të çajë para do i duhet të synojë drejt lojërave AAA. Presim të zbulojmë më shumë pra në E3 2019.