Irlandezo-veriori, Liam Nelson mund të planifikojë të tërhiqet nga filmat aksion në një të ardhme jo shumë të largët, por ka ende një rrymë të qëndrueshme filmash të rinj nga ai për t’u shijuar para se të ndodhë kjo.
Akoma më mirë, filmi i tij i fundit i cili quhet The Ice Road, është vendosur të mos shfaqet direkt në kinema por do të drejtohet menjëherë drejt shërbimeve streaming pasi Netflix siguroi të drejtat në një marrëveshje me $18 milion, sipas gazetës Deadline.
Filmi thriller-aksion bën fjalë për një minierë të largët diamanti që është shembur në rajonet e largëta veriore të Kanadasë. Një shofer akulli, Mike i cili luhet nga Neeson, drejton një mision të pamundur shpëtimi mbi një oqean të ngrirë për të shpëtuar jetën e minatorëve të bllokuar pavarësisht shkrirjes e akujve dhe një kërcënimi që nuk pritej kurrë.
A nuk është kjo e përsosur për set-in e aftësive shumë të veçanta të Neeson!?
Gjithashtu ja vlen të përmendet Laurence Fishburne, që luan Goldenrod, pronarin e kompanisë së kamionëve që orkestron shpëtimin dhe shoku i Mike në këtë udhëtim të rrezikshëm.
Filmi u shkrua dhe u drejtua nga Jonathan Hensleigh, i cili më parë ka shkruajtur filma si Die Hard With a Vengeance, Jumanji, Armageddon dhe The Punisher. Ky është filmi i parë i regjizorit në 10 vitet e fundit.
Ndërkohë, Neeson ka qenë shumë i zënë këto kohë. Projektet e fundit të aktorit të lançuara në vitin e kaluar përfshijnë thriller-aksion: The Marksman and Honest Thief, si dhe dramën komike Made in Italy, në të cilën luajti së bashku me djalin e tij, Micheál Richardson. Gjithashtu Neeson aktualisht është duke filmuar Backlight, i cili po reklamohet si roli i tij i fundit aksion.
Akoma nuk dihet se në cilat filma do të marrë pjesë Liam Neeson por thuhet se mund ta shohim në filmin Naked Gun ose si pjesë e serisë spin-off Star Wars të Obi-Wan Kenobi, së bashku me mikun e tij Ewan McGregor.
Fishburne, ndërkohë, kohët e fundit luajti në John Wick: Chapter 3 dhe Where’d You Go, Bernadette me Cate Blanchett.
Një gjë mbetet e vërtetë, The Ice Road është një nga shumë filmat e rinj që priten të mbërrijnë në Netflix këtë vit.