Shumica e password më të përdorur mund të bëhen crack në më pak se një sekondë
Shumica e password më të përdorur mund të bëhen crack në më pak se një sekondë
Zakonisht kur jemi online nuk i kushtojmë shumë rëndësi password që vendosim nëpër llogari të ndryshme që ne kemi. Kjo gjë bën që dikush të ketë mundësinë të zbulojë password tuaj. Prandaj përpiquni të tregoheni më të zgjuar në vendosjen e password sesa të vendosni thjesht “123456”.
Password “123456” deri më tani është ekspozuar më shumë se 23 milion herë gjatë 2020 dhe zë vendin e parë sipas një raporti nga NordPass. Sipas kësaj liste, password e tjerë më të përdorur janë “123456789”, “picture1”, “password”, “12345678” duke plotësuar listën me pesë password më të përdorur.
Lista e plotë përfshin rreth 200 lloje të ndryshme password ku mund të gjeni nga më të çuditshmit dhe nga më të paimagjinueshmit dhe të cilët mund të bëhen crack në më pas se një sekondë sipas NordPass.
Një nga problemet që lind është se një pjesë e madhe e njerëzve i përdorin këto password në llogaritë e tyre të rëndësishme. Kjo gjë ka ndodhur me pothuajse 2.5 milion llogari të cilat kanë përdorur password “123456”. NordPass shprehet se kjo gjë ndodh pasi shumica e njerëzve përdorin password që janë të lehta për t’u mbajtur mend por në të njëjtën kohë këto password janë më të lehtët për t’u bërë crack.
Diçka që ishte interesante ishte se kishte shumë kombinime të ndryshme të reja. Një ndër më të përdorurit ishte “picture1” i cili është një password i ri dhe do t’i duhej dikujt afërsisht tre orë për ta bërë crack sipas raportit të publikuar nga NordPass.
Përdorimi i një password të fortë është i rëndësishëm për të mbrojtur llogarinë tuaj. Gjithashtu ne iu rekomandojmë të përdorni edhe two-factor authentication (2FA) në çdo llogari që është e mundshme.