YouTube mund të jetë përfshirë në një skandal shumë të madh
YouTube mund të jetë përfshirë në një skandal shumë të madh
Nerd City beson se ka provuar që algoritmi i YouTube demonetizon çdo video që ka në titull fraza ose fjalë të lidhura me komunitetin LGBTQ, duke treguar madje dhe një listë të gjatë të frazave që e shkaktojnë këtë.
Demonetizimi është një tematikë shumë e diskutuar midis content creators në platformën e Google, pasi YouTuber-at paguhen në bazë të parave të fituara nga reklamat, të cilat zhduken kur një video është e papërshtatshme për kompanitë që paguajnë për të promovuar në faqe.
Termat dhe frazat që YouTube mendon se nuk janë të përshtatshme për reklamim mbahent të fshehta, në mënyrë që përdoruesit të mos mundohen ta kalojnë sistemin, por Nerd City beson se duke zhvilluar një test masiv, kanë zbuluar algortimin për të demonetizuar videot që përdorin fjalë si gay, lesbian, transgender pavarësisht kontekstit.
Nerd City, me ndihmën e YouTube Analyzed dhe Sealow testoi 15,296 fjalë dhe fraza të zakonshme kundra bots të YouTube për të përcaktuar se cilat shkaktojnë që një video të demonetizohet kur përdoren në titull dhe disa nga këto fraza kishin lidhje me komunitetin LGBTQ.
“Nëse merrnim një video me fraza si gay dhe lesbian dhe i ndryshonim në happy ose friends, çdo herë videoja bëhej e monetizuar,” – tha YouTuber-i.
Ai vazhdoi: “Shumica e fjalëve janë gjëra që ne presim që YouTube t’i censurojë. Shumë të tjera e vendosin YouTube drejtpërdrejt në kundërshtim të mesazheve të tyre progresive. Ajo që bots mendojnë se ne po flasim përcakton se kush e shikon videon. Nëse bots zbulojnë një problem, video nuk do shfaqet tek subscribers.”
Në videon e postuar të Nerd City, ata upload-uan video 1-2 sekondëshe në faqe pa asnjë përmbajtje që mund të shkaktonin demonetizim. Pasi kaluan këtë proces, ata zbuluan se bots nuk i ndalonin videot me fjalët straight dhe heterosexual, por i ndalon ato me fjalët gay dhe homosexual. Të 15,296 frazat dhe fjalët e zbuluara janë postuar nga Nerd City, përfshirë dhe rezultatet e testimit
Për sa i përket arsyes pse ndodh kjo, Nerd City thotë se kjo mund të vijë për shkak të kompanisë së punësuar nga Google për t’u marrë me demonetizimin e videove. Lionbridge AI është kompania që merret me këtë proces dhe përdor njerëz nga vende të ndryshme të botës ku homoseksualiteti nuk pranohet gjërësisht.
Edhe pse Google AI mëson nga apelimet, ka mundësi që këta punonjës të jenë arsyeja pse po ndodh kjo, edhe pse Nerd City nuk e di ekzaktësisht nëse është kjo arsyeja, për shkak të ruajtjes sekret të alogritmit.
CEO e YouTube Susan Wojcicki ka thënë më herët se YouTube nuk e demonetizon automatikisht përmbajtjet LGBTQ, por momentalisht YouTube po përballet me një padi nga disa content creator për kundërvënie ndaj komunitetit LGBTQ, gjë e cila mbështetet nga studimi i Nerd City.