Need for Speed: Heat do të marrë crossplay në update-in e saj të fundit

Criterion do të vazhdojë me lojën e rradhës të Need for Speed.

Në shkurt, Criterion Games mori kontrollin mbi Need For Speed sërish, duke e marrë punën aty kur e la zhvilluesi i Need for Speed: Heat, Ghost Games. Studioja Burnout Paradise ka qenë duke punuar me Heat që nga ajo pikë dhe është thuajse gati të sjellë update-in final, përpara se të kalojë në diçka të re.

Ky update, që do të mund ta shkarkoni në 9 qershor, kryesisht përmban rregullime të vogla, por do të sjellë me të edhe një veçori shumë të rëndësishme: crossplay. Kështu do të keni mundësinë të garoni me lojtarët e PC, Xbox One dhe PS4 në të njejtin server. Gjithashtu do të mund të ftoni miqtë tuaj të platformave të tjera që të luajnë bashkë me ju, për aq kohë sa ata e kanë cross-play të aktivizuar.

Pasi ky update të jetë ezauruar, Criterion do fokusohet plotësisht në lojën e ardhshme të Need for Speed.

Ndërkohë Need for Speed: Heat do të shtohet në EA Access dhe Origin Access Basic Vault. Javën e shkuar loja gjithashtu erdhi në Steam, bashkë me 12 lojëra të tjera të EA.