Në mungesë të një forumi, lojtarët e Borderlands 3 i janë drejtuar sërish Steam

Lojtarët e Borderlands 3 po përdorin forumin e Borderlands 2 në Steam.

Lojtarët e Borderlands 3 të PC, në mungesë të një vendi ku mund të shprehin mendimet dhe shqetësimet e tyre për lojën kanë gjetur strehim në forumin e Borderlands 2 në Steam. Pra me pak fjalë çdo lloj gjëje që mund të presësh të shohësh në një forum të Steam, por për një lojë që as nuk është aty.

Duke marrë parasysh faktin që loja nuk është as në Steam dhe faktin që Epic Games Store nuk ka një sektor ku lojtarët mund të shprehen, për ata gamera që janë mësuar të komunikojnë nëpër dyqane lojërash, situata është pak e koklavitur. Sado që ka një forum zyrtar për këtë punë, nuk ekziston një për problemet specifike me PC.

Këto postime që bëjnë lojtarët në Steam hiqen, por kjo gjë nuk i ndalon komentet e reja që të shfaqen aty rregullisht. Shumë prej tyre janë pyetje të sinqerta në fakt, përshembull njerëz që kërkojnë ndihmë për problemet e shfaqura me performancën ose thjesht për njerëz që po kërkojnë për të tjerë që të luajnë. Gjithsesi ndihma më e madhe që mund t’ju jepet është që të shkojnë në forumet zyrtare.

Kur merr parasysh se sa të rrëmujshme që mund të bëhen forumet ndonjëherë, ndoshta mungesa e tyre në Epic Store duket deri diku e arsyetueshme. Gjithsesi Epic duhet njëkohësisht ti marri më shumë në konsideratë kërkesat e audiencës së tij, mbi të gjitha kur bëhet fjalë për një lojë që e blenë në platformën e tyre.

Sipas CEO së Gearbox, Randy Pitchford, Borderlands 3 tashmë ka dyfishin e lojëtarëve në lançim që kishte paraardhësja e saj Borderlands 2. Gjithsesi loja ka hasur problemet e saj kur ka ardhur puna me performancën. Mund të presim një patch nga Gearbox shumë shpejt për këtë punë.