Me sa duket, Forza Horizon 4 ndoshta përmban një crossover nga seritë Halo, pasi disa orë më parë ishte zbuluar një fotografi nga video-loja e ardhshme, e cila përshkruan ‘Warthog‘ dhe ‘CCS-class battlecruiser‘. Në fakt, në vendin e shoferit mund të shohim Master Chief.
Fotografia është pjesë e një koleksioni më të madh fotografish të nxjerra nga loja, por asgjë nuk është konfirmuar ende. Megjithatë, në një nga livestream-et e lojërave Playground për Forza Horizon 4 të korrikut, shikuesit kishin vënë re edhe praninë e një Pelikani (dropship nga Halo) në hartën e lojës, e cila duket të jetë pjesë e një eventi Showcase.
Nëse thashethemi i mësipërm është i vërtetë, nuk do të jetë hera e parë që ekskluziviteti i Halo-s ka pushtuar serinë e Forza duke qenë se Warthog është shfaqur tashmë në Forza Horizon 3 dhe Forza Motorsport 4. Vlen të theksohet, megjithatë, se ekziston mundësia që Master Chief të jetë i disponueshëm vetëm si DLC. Koha do ta tregojë.
Në të njëjtën kohë, Playground Games ka njoftuar se ata që bëjnë pre-order edicionin dixhital të Forza Horizon 4 do të marrin Formula Drift Car Pack DLC pa pagesë , e cila përfshin shtatë makina që mund të përdorni edhe në Forza Horizon 4 dhe Forza Motorsport 7 . Ndiqni trailer-in e shpalljes.
Forza Horizon 4 do të lëshohet më 2 Tetor për Xbox One dhe PC me Windows 10.