Mund të kemi të bëjmë me një hap masiv në industrinë e gaming
Mund të kemi të bëjmë me një hap masiv në industrinë e gaming
Microsoft është përpjekur vazhdimisht gjatë viteve të fundit për të krijuar një urë lidhëse mes të luajturit në Xbox dhe të luajturit në PC. Sado që një pjesë e këtyre përpjekieve kanë parë rezultate të miksuara, Windows 10 Insider më i fundëm sugjeron se diçka shumë emocionuese është duke ardhur. Specifikisht lojëra të Xbox në PC.
Postimi zyrtar rreth kësaj thotë: “Ne jemi mëse të emocionuar për të sjellë një teknologji të re për gaming në Windows,” por nuk jep ndonjë shpjegim më të gjatë ose specifik se çfarë është ekzaktësisht kjo teknologji. Praktikisht lejon anëtarët e programit Insider të instalojnë dhe të luajnë State of Decay, një lojë e cila është e disponueshme për PC, por që Microsoft vetë e shet vetëm në platformat e Xbox.
Ka plot arsye për të besuar se kjo është një lojë Xbox që po përdoret drejtpërdrejt në PC. Shkarkimi i State of Decay vjen nga ‘assets1.xboxlive.com’, në vend të adresave të zakonshme të Microsoft ku shkarkohen zakonisht të gjitha gjërat e Windows Store. Dosjet e lojës janë të strukturuara në formatin ‘.xvc’, të cilin Microsoft e përdor specifikisht për lojërat e Xbox One. Sipas një update-i të fundëm ky format mund të shkarkohet përmes një PowerShell.
E gjitha kjo indikon se Microsoft po ndërton një mënyrë që lojërat e Xbox One të operojnë përmes Windows. Kur marrim parasysh edhe punën që kompania ka bërë në sjellien e backwards compatibility në konsol, kjo mund ti hapë rrugën një librarie gjigande lojërash që mund të luhen në PC.