Sezoni i dytë i Apex Legends do edhe disa javë që të fillojë, por disa ndryshime të mëdha janë duke ndodhur që tani në lojë. Bisha në trajtën e dragonjve janë duke fluturuar plot prezencë në qiejt e Kings Canyon dhe sigurisht që lojtarët janë duke i pushkatuar…sepse…pff…nuk e dimë.
Data miners kanë nxjerrë informacione që sinjalizonin ardhjen e fluturakëve dhe krijesave të tjera në Apex Legends. Gjithashtu edhe Drew McCoy hodhi shenja drejt shfaqjes së dragonjve gjatë EA Play në E3. Të gjithë mendonin se kjo do të vinte me ardhjen e sezonit të dytë, por ja që ndonjëherë gjërat shfaqen në mënyrë të papritur.
Shumë streamer-a dhe lojtarë kanë publikuar video të këtyre krijesave. Në disa prej tyre ata thjesht po fluturojnë dhe në disa të tjera janë duke mbajtur death boxes, gjë që ju jep në këtë rast një arsye të mirë për të qëlluar. Nuk e dimë nëse këto dragonj do të jenë një rrezik aktual në Apex Legends apo thjesht një prezencë kalimtare, por më duhet ta pranoj loja do të bëhet shumë më interesante tani që dragonjtë po fluturojnë mbi kokat e lojtarëve.
As Respawn dhe as EA nuk kanë thënë ndonjë gjë zyrtare për këta fluturakë, por do i mbajmë veshët hapur.