Si të ndryshojmë username në Instagram

Nëse jeni të mërzitur nga username juaj aktual në Instagram, mund të zbuloni se dëshironi ta ndërroni atë, dhe për fat të mirë, procesi është shumë i thjeshtë. Ja se si ta bëni atë.

Edhe pse TikTok është bërë një nga platformat më të njohura të mediave sociale tani, Instagram mbetet një element kryesor në rutinat e përditshme të shumë njerëzve. Si gjithmonë, është një mënyrë e shkëlqyeshme për njerëzit që t’i mbajnë miqtë të përditësuar për atë që po ndodh në jetën e tyre dhe që influencers dhe të famshëm të ndërveprojnë me fansat.

Kur dikush regjistrohet për të marrë një account në Instagram, duhet të dalë me një username, i cili shërben si një mënyrë që njerëzit t’i gjejnë ata duke përdorur funksionin e kërkimit. Megjithatë, si me çdo aplikacion tjetër, ju mund të mërziteni nga username juaj me kalimin e kohës, ose mund të dëshironi të ndërroni llogarinë tuaj në diçka krejtësisht të ndryshme.

Procesi i ndryshimit të username në Instagram është mjaft i thjeshtë, dhe pjesa më e vështirë mund të jetë krijimi i një emri që nuk është marrë tashmë. Pasi të keni një ide se çfarë doni të vendosni si emër në llogarinë tuaj, thjesht bëni si më poshtë:

• Hapni Instagramin.
• Shkoni në faqen e profilit tuaj.
• Nën biografinë tuaj, klikoni mbi “Ndrysho profilin”.
• Klikoni në fushën “Emri i përdoruesit” dhe shkruani emrin e përdoruesit që dëshironi.

Instagram thotë se, “në shumicën e rasteve, ju nuk do të jeni në gjendje ta ndryshoni username për 14 ditë të tjera”.

Ju gjithashtu mund të ndryshoni emrin tuaj të shfaqur duke kaluar nëpër të njëjtat hapa të listuar më sipër, por duke klikuar në fushën “Emri”.