Epic Games ka sjellë update-in e Fortnitemares në Fortnite Chapter 2 Season 4 dhe ka plot ndryshime për të cilat duhet të flasim. Ja çdo gjë që ka ndryshuar në patch v14.40.
Loja gjithmonë bëhet gati për një update të madh çdo Halloween dhe e njejta gjë ka ndodhur këtë vit. Forcat e errëta të battle royale-it janë rikthyer për të festuar ardhjen e Midas, që u zhduk nga fillimi i këtij sezoni.
Tani, me update-in e madh të datës 21 tetor, harta e lojës ka ndryshuar mjaftueshëm. Ja çdo gjë që duhet të dini para se të hidheni nga Battle Bus herës tjetër.
Ndryshimet e hartës së Fortnite për Halloween
Një nga gjërat e para që lojtarët do të vërejtë është se disa Witchshacks janë shpërndarë rreth e qark hartës. Këto u bënë leak që më përpara nga FortTory.
Mund të dallojmë që tani, se bazuar në natyrën e tyre dhe fshesave që mund të gjenden brenda, lojtarët do i kenë si pika të preferuara për të bërë drop.
- Vendi ku do të rikthehet Midas
Ky duket të jetë vendi ku Midas do të ringrihet sërish, me qirinj që janë ndezur në formë rrethi dhe fronin që ndodhet në sfond.
Së shpejti do të mund të shohim pak më mirë se çfarë ka planifikuar Epic të bëjë këtu, por një vend interesant në hartë gjithsesi.
- The Ruins POI: Fortnitemares
Kjo pjesë e hartës ka marrë një makeover, të quajtur The Ruins. E rrethuar nga ghouls dhe kushedi se çfarë krijese tjetër, ky mund të jetë një nga vendet më të rrezikshme të hartës nga kjo pikë e tutje.
- Dekoracione për Halloween
Sigurisht që për festën e Halloween do të ketë edhe dekoracione rreth e qark hartës, si rrjeta, merimanga gjigande nëpër çatia, etj.
Bashkë me të gjitha këto Epic solli edhe një trailer të ri për eventin e Fortnitemares, duke treguar në të të gjitha veçoritë e reja që ai sillte. Shikoni trailerin më poshtë dhe shijoni ndryshimet e lojës