Elementi i rastisë tek shpërblimet dhe wildcards ka ulur eksperimentimin
Elementi i rastisë tek shpërblimet dhe wildcards ka ulur eksperimentimin
Duket se fokusi i Riot Games për lançimin zyrtar të Legends of Runeterra është ulja e efektit RNG në progresion.
Riot foli më shumë për gjendjen e beta-s së LoR në një postim, i cili shpjegon me detaje se çfarë po funksionon dhe çfarë jo. Edhe pse zhvilluesit ndihen mirë me shumicën e sistemeve të ekonomisë së lojës, ka ende disa pika në sistemin e progresionit që mund të ndryshohen.
Duke qënë se LoR nuk ndjek modelin e zakonshëm të pakove që kanë lojërat dixhitale me letra, zhvilluesëve iu është dashur të tregohen kreativë me mënyrën se si i japin letra lojtarëve. Fansat marrin letra dhe kampionë çdo javë nëpërmjet Vaults dhe shpërblimeve rajonale që japin letra më të rralla sa më shumë që ju luani. Edhe pse kjo padyshim vlerësohet nga lojtarët, ende ka vend për përmirësim.
Edhe pse lojtarët po mbledhin letra, Riot dëshiron të theksojë dhe vlerësojë më shumë arritjen e një deck-u specifik. Zhvilluesit vunë re se rreth një e treta e lojtarëve mendonte se nuk mund ta arrinin kurrë deck-un specifik për shkak të natyrës rastësore të Vault. Për ta kundërshtuar këtë, Riot do të bëjë që shpërblimet të jenë më pak rastësore përpara lançimit.
Duke qënë se lojtarët mendojnë se marrja e wildcards është e paparashikueshme, shumë prej tyre nuk duan të eksperimentojnë. Kjo bën që lojtarët të grumbullojnë wildcards në vend që t’i përdorin ato për të krijuar një deck. Riot planifikon të rrisë parashikueshmërinë e wildcards për të inkurajuar përdorimin e tyre nga lojtarëve dhe testimin e deck-eve të mundshme.
Riot gjithashtu dëshiron të përfshijë më shumë lojtarë. Pavarësisht nëse luani LoR për orë ose thjesht ndonjëherë, loja duhet të jetë e aksesueshme. Ky është një tjetër qëllim i zhvilluesëve përpara lançimit zyrtar të lojës, i cili pritet të vijë në muajt në vazhdim.