Ndiqni këto hapa për të ndihmuar në kurimin e Coronavirus

Nëpërmjet CPU dhe GPU tuaj, mund të ndihmoni në mposhtjen e pandemisë

A jeni ndier ndonjëherë sikur jeni një superhero që po prisni momentin? Epo, keni të drejtë. Tashmë, ekziston një mënyrë për të përdorur fuqinë e kompjuterit tuaj për të ndihmuar kërkuesit dhe shkencëtarët për të mposhtur COVID-19. Ndiqni hapat më poshtë dhe dhuroni fuqinë tuaj të procesimit për të shpëtuar jetë.

1. Shkarkoni dhe instaloni Folding@Home

Do të rekomandonim që ta instaloni duke përdorur custom settings dhe ta limitoni client-in në mënyrë që ai të funksionojë vetëm kur ju ta klikoni atë (manual mode). Përndryshe, ai do të nisë të punojë sa herë të ndizni PC tuaj, duke e ngadalësuar atë. Nëse përdorni MacOS ose Linux, ndiqni këtë link.

2. Bëni setup client-in dhe bashkohuni në ekipin #237039

Gjëja e parë që duhet të bëni është të hapni client-in dhe të klikoni “Set up an identity”

Më pas, vendosni emrin tuaj, numrin e ekipit (237039) dhe vendosni një password që emri juaj të mos përdoret nga dikush tjetër.

Gjithashtu, ju mund të modifikoni opsione të tjera si përdorimi i energjisë dhe nëse dëshironi që client-i të përdorë të gjithë fuqinë e kompjuterit apo vetëm atë që nuk po përdoret nga programe të tjera.

3. Ndihmoni në mposhtjen e coronavirus

Nëse keni ndjekur çdo hap, client-i Folding@Home duhet të nisë të punojë dhe t’ju japë ju një projekt. Ky ekip do të ketë prioritet projektet në lidhje me coronavirus. CPU dhe GPU juaj duhet të jenë jeshile dhe duke u rrotulluar nëse çdo gjë shkon siç duhet.

Vala e parë e projektit fokusohet në kuptimin më të saktë se si coronaviruset ndërveprojnë me receptorët ACE2 të njerëzve, të cilët lejojnë kalimin e virusit në qelizat e njeriut, si dhe se si kërkuesit mund të ndërhyjnë tek to duke krijuar antitrupa ose molekula.