Ndeshja e parë e Worlds 2019 u ndoq nga 2 milionë shikues

Fitorja e SKT ndaj Fnatic për pak sa nuk theu rekorde

Kuptohet që një ndeshje e madhe është luajtur kur shikueshmëria për pak sa nuk thyen rekordet histroike të të gjithë kampionatit. Ndeshja midis SK Telecom T1 dhe Fnatic kaloi 2 milionë shikues për të hapur Worlds 2019 të League of Legends, sipas një raporti nga Esports Charts.

Grupi C është quajtur “Grupi i Vdekjes” këtë vit, me tre prej ekipeve me më shumë histori në rajonet e tyre që ndodhen në këtë grup. Nëse një grup do të thyente rekorde, padyshim që do të ishte ky, dhe fansat duket se kanë rënë dakort për këtë gjë. Ndeshja e parë e Worlds 2019 pati mbi 2 milionë shikues në total në Twitch dhe YouTube. Këtu nuk përfshihen shikuesit nga Kina dhe Korea që kanë platformat e tyre të veçanta për streaming.

Rikthimi i Faker në Worlds padyshim që ka qënë një prej arsyeve më të rëndësishme për këtë numër shikuesish. Duke qënë lojtari më popullor i League of Legends në botë, rikthimi i tij triumfator në Worlds së bashku me një prej ekipeve më të mira ndonjëherë të SKT bëjnë që ndeshjet e këtij ekipi të mos humben. Gjithashtu duhet përmendur Fnatic, ekipi më i vjetër në Europë dhe kampionia e parë e Worlds, të cilët kanë shumë fansa të cilët mbushën stadiumet në Europë këtë vit.

Një tjetër arsye që janë arritur këto shifra kanë qënë oraret e ndeshjeve. Riot ka arritur të gjejë një orar mjaft të mirë, ku shikuesit nga Amerika e Veriut i shohin ndeshjet në mëngjes, ata në Europë në mesditë dhe ata në Azi në mbrëmje. Edhe pse disa vënde nuk kanë orare të përshtatshme, shumica e botës mund ta shohë Worlds 2019 në një orar të përshtatshëm dhe ta shijojë siç duhet.

Me të paktën 70 ndeshje të mbetura në Worlds 2019, ka ende shumë mundësi për të thyer rekordin e shikueshmërisë. Ndeshjet kur kjo gjë mund të ndodhë do të jenë sfida e dytë mes SKT dhe Fnatic, G2 Esports vs Griffin dhe Team Liquid vs Invictus Gaming.