NBA 2K21 është vendosur të shfaqë një mode të ri të WNBA MyPlayer të quajtur ‘The W’ që do të jetë ekskluzive për versionin PS5 dhe Xbox Series X.
2K njoftoi modalitetin e ri në një court-side report, duke detajuar se The W do të zgjerohet në përvojën e WNBA të prezantuar për herë të parë në NBA 2K20 vitin e kaluar. Modaliteti i ri lejon lojtarët të krijojnë lojtaren e tyre plotësisht të personalizuar të WNBA dhe ta kalojnë atë në një karrierë pro duke shfaqur të gjitha ekipet e WNBA. Në të do të shfaqen gjithashtu disa nga lojtaret më të mëdha të ligës, duke përfshirë Brenna Stewart, Diana Taurasi dhe Napheesa Collier.
“Sapo mbaruam me NBA 2K20, ne e dinim menjëherë se cili do të ishte qëllimi ynë i parë për NBA 2K21 dhe filluam të punojmë për ndërtimin e këtij themeli për kontrollin dhe përparimin e ligës për WNBA”, shkruan senior producer e NBA 2K21, Felicia Steenhouse. “Tani keni sandbox-in për të provuar dhe krijuar kampionatin e ëndrrave tuaja. Kontrolloni 12 skuadra, ose çoni ekipin tuaj të preferuar drejt fitimit të kampionatit.”
Postimi vazhdon me detaje mbi gjithçka që do të mund të bëni në drejtim të personalizimit. Krijimi i kampionatit tuaj do të thotë që ju do të jeni në gjendje të menaxhoni rregullat, financat, CBA, draftin dhe gjithçka që ngelet, së bashku me zgjedhjet për të marrë pres-sets të 2K ose settings e shkarkimit të ndara nga komuniteti.
Një mode Playoff-i do të thotë që lojtarët janë gjithashtu në gjendje të kalojnë sezonin dhe të futen direkt në playoff. Ju gjithashtu mund të shkoni kokë më kokë në The W Online, një konkurs 3v3 MyPlayer i vendosur në një fushë të re ekskluzive për mode-in e lojës. Lojtarët do të jenë në gjendje të ulen në karrigen e GM dhe komisionerit në MyWNBA për të “nxitur rritjen e të gjitha 12 skuadrave të WNBA dhe të gjithë ligës”.
“Ne jemi vërtet krenarë që vazhdojmë partneritetin tonë të shkëlqyeshëm me WNBA dhe i prezantojmë lojtarët në The W”, thotë Steenhouse në njoftimin zyrtar për shtyp. “Të jesh në gjendje të njohësh veten si brenda ashtu edhe jashtë fushës është tepër e rëndësishme për ne. The W na ndihmon të lartësojmë basketbollin e femrave dhe nxjerr në pah fuqinë e yjeve të WNBA.”
NBA 2K21 është vendosur të lançohet në Xbox Series X më 10 Nëntor, e ndjekur nga PS5 më 12 Nëntor.