Muselk zbulon një bug që të lë të marrësh pafund metal në Fortnite

Të marrësh mjaftueshëm metal në Fortnite mund të ta thjeshtojë shumë punën, sidomos nga fundi i lojës. Ndërtimi i strukturave më të qëndrueshme është gjithmonë një bonus. Problemi është që metal është i vështirë për tu gjetur, por një glitch nga Muselk mund të ketë gjetur zgjidhjen e këtij problemi.

Duke folur për këtë në një video të hedhur në YouTube në 24 mars, lojtari australian ja doli që ta bënte glitch-in të funksiononte, pas disa herëve që nuk po ja gjende dot anën. Në karburantin në lindje të Fenzy Farm përtej lumit, ka një glitch që ju lejon të merrni metal të palimituar nga mbushëset e benzinës.

Nëse i ndiqni hapat fiks siç duhen në fillim, kjo mbushëse do ju lejojë ju dhe shokët tuaj ti bëni farm për materiale falas. Duke marrë parasysh se metal është materiali më i fortë në Fortnite për të ndërtuar si edhe më i rralli për tu gjetur, të kesh sasi të pafundme të tij bën dallimin mes humbjes dhe fitores në një ndeshje.

Materialet e metalit kanë 500 health krahasur me Brick që ka 300 dhe Wood që ka 150. Gjithashtu i jep lojtarëve që të mbyllin këndet në strukturat e tyre, pa patur frikë se mund të kapen nga një plumb qorr.

Në stilin tipik të Muselk, YouTuber-i i çoi gjërat nga ana kompetitive në diçka thjesht më gallatë, duke bërë një bazë qiellore prej metali. Ai mori ndihmën e 20 lojtarëve të tjerë për të ndërtuar rampa dhe struktura masive përgjatë hartës.

Teksa ja dolën të bënin pak progres, nuk u desh shumë përpara se të bëheshin ban për teaming, përfshirë këtu edhe Mueselk. Epic ende nuk ka komentuar mbi këtë glitch, por do hamendësojmë se ka për ta rregulluar së shpejti.