Falë patch-it të kësaj jave Combat Shotgun nuk është më
Falë patch-it të kësaj jave Combat Shotgun nuk është më
Epic duket se nuk mund ta lërë dot Fortnite rehat. Për një lojë që e ka si avaz të ketë patch një herë në javë, kjo java e fundit ka qenë tepër e ngjeshur për fenomenin e battle royale, me tre armë të hequra nga loja.
Ndryshimet më të fundit në Fortnite do të heqin Combat Shotgun, Drum Shotgun dhe Proximity Launcher. Sado që lojtarët nuk do e vënë shumë ujin në zjar me zhdukjen e dy armëve të fundit, Combat Shotgun ishte një nga armët e zjarrit më të kërkuara në lojë. Me range-in e saj të mirë dhe damage-in që shkaktonte, ishte padyshim një nga armët më efektive të Fortnite. Në këtë pikë lojtarët po pyesin veten përse Epic nuk i lë që të kenë gjëra të mira në lojë?
Patch-i i fundit do të sjellë edhe ndryshime të mëdha në Automatic Sniper. Damage-i i saj do të rritet me nëntë në çdo nivel të rarity. Si duket Epic ka menduar se kjo pushkë nuk ka qenë në performancën e saj më të mirë.
Pra një javë jo fort e mirë për fansat e Fortnite që ishin të magjepsur me këto armë, por hey, një crossover me It pritet të vijë së shpejti në lojë, ndaj ndoshta kjo do ja u kthejë pak humorin.
Do të hamendësojmë se përmes këtij bashkëpunimi do t mund të blini skine të reja në dyqanin e lojës dhe duke gjykuar nga vibe që loja ka marrë në Season X, pse jo edhe pika të caktuara të hartës të përshtatura me tematikën e It.