Mund të vrisni kë të doni kur të doni në Cyberpunk 2077, pasi nuk do të ketë sistem morali

Është tipike për RPG e ditëve të sotshme që ti kenë të dyja të mirën dhe të keqen si opsione gjatë një misioni. Shpesh herë nga fundi, një pjesë e juaja e di që loja do të sjellë një pasojë mbi vendimin që do të merrni dhe gjasat janë që ky vendim do jetë si thikë me dy presa në vazhdueshmërinë tuaj.

Cyberpunk 2077 është duke i bërë gjërat ndryshe. Drejtori i lojës ka konfirmuar se në të nuk do të ketë një sistem morali, ndryshe nga lojërat e The Witcher ose Fable. Ai la të nënkuptohej se një sistem formal i moralit nuk do të ekzistonte dhe se nuk do të ndjeheni fajtor kur ti vrisni të tjerët.

“Duhet të jeni shumë të mirë në stealth. Investoni në pika që ju lejojnë të bëni stealth më mirë, përdorni armë që ju lejojnë paralizimin e kundërshtarit dhe jo vrasjen e tyre, për të bërë zgjedhjet morale që do ju japin mundësi të shmangni vrasjen e njerëzve përgjatë lojës.” Është shprehur ai.

Pra, sado që Cyberpunk 2077 nuk do ti mbajë mend gjërat e këqia që keni bërë, duhet të tregoni kujdes dhe të mbani shumicën e njerëzve gjallë për të zhdukur atë ndjenjën e fajit që mund të lërë pasoja nga çasti në çast.

Meqë do të ketë disa mbyllje për Cyberpunk 2077, faktorët për secilin skenar do të bëhen edhe më të komplikuar për tu kuptuar, tani që nuk do të bazohen vetëm në ndarjen me thikë mes të mirës dhe së keqes, por shumë elementëve të tjerë.