Dikush do të bëhet një Space Ninja i vërtetë
Dikush do të bëhet një Space Ninja i vërtetë
Ka shumë lojëra të cilat të bëjnë të ndihesh sikur je në hapsirë, por fatkeqësisht vetëm pak prej nesh do të kenë mundësinë të zbulojnë se sa të sakta janë lojëra si Prey, Mass Effect dhe Elite: Dangerous. Megjithatë, falë Digital Extremes, një lojtar i Warframe do të shkojë drejt yjeve për tu kthyer në një Space Ninja të vërtetë.
Në TennoCon 2019, që u zhvillua gjatë fundjavës së kaluar, Digital Extremes zbuloi një konkurs ku një fitues me fat do të fitojë $250,000 për një udhëtim në hapsirë. E vetmja gjë që duhet të bësh për t’u futur është të luash lojën, por për çdo ditë që luan do të fitosh mundësi shtesë për të fituar. Për fansat e zjarrtë të lojës, kjo është një pengesë shumë e vogël.
Konkursi nisi në 6 korrik, por nëse humbët disa ditë, mos kini frikë. Konkursi vazhdon deri në 31 dhjetor 2019, pra do të keni thuajse 6 muaj për të pasur mundësi të fitosh.
Përtej trailer-it, informacioni që u dha nga Digital Extremes ishte vërtet i pakët.
Ata thonë se do të keni 1 mundësi për të fituar nëse jepni e-mail-in tuaj dhe futeni në lojë, dhe nga tani deri në 30 nëntor, do të fitoni një mundësi sa herë mbaroni një mision në lojë, për një total prej 145 ditësh. Në dhjetor, kur mbaroni një mision fitoni 2 mundësi, pra në total do të keni deri në 205 mundësi nëse luani çdo ditë. Gjatë konkursit do të keni dhe mundësi të tjera për të fituar, por ato ende nuk janë detajuar.
Për sa i përket vajtjes në hapsirë, duket se duhet ta gjeni vetë mënyrën. Digital Extremes do t’ju japë paratë, por duhet ta gjeni vetë mënyrën tuaj për të arritur hapsirën. Fatmirësisht, Virgin Galactic ofron një fluturim 90 minutësh në hapsirë për ekzaktësisht $250,000.