Mousesports shpallen kampionë të ESL Pro League Season 10

Mousesports mposhtën Fnatic 3-0 në finale

Mousesports fituan kampionatin e tyre të parë tier-one në CS:GO me një ekip të drejtuar nga Finn “karrigan” Andersen. Ata arritën të mposhtin Fnatic 3-0 duke u shpallur kampionët e ESL Pro League Season 10.

Mousesports ka pasur ulje dhe ngritje gjatë muajve të fundit, por ata tani mund të konsiderohen një prej ekipeve më të mira në botë. Ata fituan para dy javësh CS:GO Asia Championships, por trofeu i EPL ngelet shumë më prestigjoz.

Fnatic u paraqit shumë keq në finale. Mousesports fituan në Inferno 16-11, Train 16-10 dhe Mirage 16-11 duke qënë në kontroll gjatë gjithë serisë. Ata ishin në një formë shumë të mirë dhe të gjithë lojtarët patën momente shumë të mira.

Performanca e Robin “ropz” Kool, i vetmi i mbetur nga formacioni i vjetër së bashku me Chris “chrisJ” de Jong, ra në sy. 19-vjeçari e mbaroi serinë me 74 vrasje dhe 45 vdekje.

Mousesports ishin shumë pranë eleminimit nga TYLOO në CS:GO Asia Championships, gjë e cila mund të kishte sjellë ndryshime në ekipin e tyre, por fitorja e mbajti ekipin së bashku, duke i sjellë atyre gjithashtu fitoren e EPL Season 10.

Mousesports eleminuan Renegades, ATK, Evil Geniuses, Astralis dhe Fnatic në rrugën e tyre drejt fitores në EPL Season 10. Ata do të marrin $250,000 dhe një pikë në Intel Grand Slam, si dhe siguruan vendin e tyre në IEM Katowice në 2020.

Mousesports do të luajë këtë javë në cs_summit 5 kundër OG, FURIA, MIBR, G2 dhe Virtus.pro.