Nuk do të ketë më pre-orders për 2019
Nuk do të ketë më pre-orders për 2019
Pre-orders për smartphone-in e ri të palosshëm Motorla Razr priteshin të fillonin në 26 dhjetor. Megjithatë, kjo gjë nuk është më e mundur, pasi kompania ka zbuluar se pre-orders dhe lançimi i këtij telefoni janë shtyrë, pa dhënë asnjë datë të re. Arsyeja duket se janë kërkesat e shumëta për këtë telefon, të cilat e gjetën kompaninë të papërgatitur.
“Që prej zbulimit në nëntor, Motorola Razr i ri u prit me një entuziazëm dhe interes të papritur nga blerësit. Kërkesat janë të larta dhe i kaluan shumë shpejt pritshmëritë tona. Motorola ka vendosur të ndryshojë kohën e nisjes së pre-orders dhe lançimit të telefonit me qëllim që të përshtatet me kërkesën. Po punojmë për të gjetur sasinë dhe kohën më të mirë, që të jemi të sigurt që shumica e konsumatorëve të kenë menjëherë një Razr në dorë kur ai të lançohet. Presim ndryshime shumë të mëdha nga oraret tona fillestare.”
Telefoni i parë i palosshëm i Motorola do të kushtojë $1500 dhe do të ketë një Snapdragon 710, 6GB RAM, 128GBmemorie dhe një kamera kryesore 16MP.