Kaloi një kohë e gjatë, por Motorola është përfundimisht e gatshme të kthehet në telefonat smartphone modern. Marka e Lenovo ka njoftuar një “Flagship Launch E-vent” virtual që do të zhvillohet në 22 Prill në 18:00. Ka disa të dhëna interesante në videon më poshtë, por mund të shihni qartë një skaj të ekranit të lakuar, një aludim ky që mund të jetë telefoni i përfolur Edge+, për të cilin keni dëgjuar gjatë disa javëve të fundit.
Nëse leaks janë të sakta, Edge+ do të mbështetet në një përzierje të modelit tërheqës dhe specifikimeve mjaft të volitshme. Telefoni do të ketë një ekran 6.7 inç, dhe vjen i pajisur me një çip Snapdragon 865, 8 GB deri në 12 GB RAM, dhe një bateri gjigande 5,000mAh. Ju gjithashtu keni një kamera kryesore 108MP plus sensorë me kënd të gjerë dhe telephoto. Edge standarde do të kthehej në një Snapdragon 765 me 6 GB RAM.
Nuk është e sigurt se kur do të dalë në treg seria Edge, ose sa do të kushtojë. Thashethemet thonë se Edge+ do të vijë në Verizon. Sido që të jetë, Motorola është qartazi e prirur të rivendosë veten në një treg që e ka injoruar kryesisht këto kohë, nëse ky telefon mund t’i largojë njerëzit nga rivalët si Galaxy S20 është çështje tjetër.