Nuk është Heath Ledger, por prapë është mjaft mirë.
Nuk është Heath Ledger, por prapë është mjaft mirë.
Traileri i parë për filmin e DC të Joker është publikuar dhe duket mjaft emocionues. Ky film është historia e origjinës së personazhit dhe ka si protagonist Joaquin Phoenix në rolin e Joker. Premierën do ta ketë me datë 3 tetor.
Nga traileri kuptojmë se ky film do të jetë ndryshe nga prodhimet e zakonshme të DC. Fokusohet i gjithi te Joker dhe te vetja e tij e dikurshme. Tregon etapat e mospërputhjes me shoqërinë, lëkundjeve të para, vizitës në Arkham Hospital deri në pikën përfundimtare të kthesës kriminale që do të marrë jeta e tij.
Joker do të regjizohet nga Todd Phillips, i cili ka në eksperiencat e tij të mëparëshme filmat e Hangover. Krahas Joaquin Phoenix filmi ka në kast edhe Robert De Niro, Zazie Beetz, Bill Camp, Shea Whigham dhe Marc Maron.
Joker nuk është filmi i vetëm i DC që do të vijë në vitet e ardhshme. Pas tij rradhën e ka Birds of Prey në shkurt të 2020ës, Wonder Woman 1984, reboot-i i Suicide Squad dhe Aquaman 2.
Më poshtë do të gjeni trailerin e Joker. Nuk mund të themi që na jep të njejtat ndjenja si ai i Heath Ledger, por personalisht mendoj se Joaquin Phoenix do të na habisë të gjithë kur filmi të vijë në 3 tetor.