Një tjetër pjesëtare e listës së Mortal Kombat është konfirmuar përmes një TV Spoti për lojën që zbulonte Kitana si një luftëtare tjetër për MK 11. Kitana ka qenë gjithmonë një personazh që fansat e prisnin të vinte në lojë, për shumë madje ardhja e saj ishte thjesht çështje kohe. Gjithsesi ishte mënyra se si ajo u konfirmua që ishte e pazakontë. Asnjë gameplay nuk është zbuluar për momentin, por NetherRealm Studios thonë se do të zbulojnë më shumë së shpejti.
TV Spoti, që mund ta shikoni në fund të artikullit, i pyeste njerëzit se për çfarë luftonin dhe në përgjigjie listoheshin disa nga motivet e shumë personazheve të Mortal Kombat 11. Duke përdorur aktorë të vërtetë, fundi i TV Spotit transformoi një prej tyre në Kitanën dhe tjetrin në Scorpion. Është video e brishtë nëse e krahason me atë çfarë jemi mësuar të shohim zakonisht nga Mortal Kombat 11. NetherRealm dhe Warner Bros. Interactive Entertainment konfirmuan se gameplay i këtij personazhi do të shfaqet këtë javë në një livestream.
Për ju që sa keni hyrë në botën e Mortal Kombat 11 dhe nuk jeni shumë të njohur me Kitana nga lojërat e kaluara, ajo është një personazh i shfaqur fillimisht në Mortal Kombat II. Tani që Kitana është konfirmuar për MK 11, mbetet edhe një personazh i fundit për tu zbuluar në livestream-in e kësaj jave. NetherRealm deklaroi më herët se streami do të fokusohet kryesisht te D’vorah dhe dy personazhe të tjerë, njëri prej të cilëve tani dihet që është Kitana.
Mortal Kombat 11 do të lançohet në 23 prill në PlayStation 4, Xbox One, Nintendo Switch dhe plaformat e PC.