Është ende fillimi i 2020ës, por traileri i Sony për Morbius tashmë është publikuar si një nga filmat më surprizues të vitit. Fansat ishin të emocionuar të shikonin trailerin me Jared Leto në rolin e tij të parë solo në Marvel, por ishte skena finale e trailerit ajo që i shokoi të gjithë. Pasi emri i filmit doli në fund të klipit, një zë filloi të fliste me personazhin e Morbius dhe ky ishte Michael Keaton, antagonisti i Spider-Man: Homecoming.
Nuk ka asnjë konfirmim nëse Keaton do të luajë Vulture, personazhin e tij nga Homecomeing, por duke marrë parasysh se jemi në të njejtin univers filmash…
Nëse e mbani mend, Vulture u dërgua në burg në fundin e Spider-Man: Homecoming, ku u takua me Mac Gargan. Dy personazhet folën shkurt për një farë aleance në skenën post-credits të Homecoming, gjë kjo që hodhi shenjën e parë për prezantimin e Sinister Six në MCU. Kjo ishte hera e fundit që Vulture u pa, pasi ai nuk u tregua më në Spider-Man: Far From Home.
Kjo lë hapësirë për një lidhje të mundshme me Morbius. Nuk dimë më tani se si aplikojnë rregullat me personazhet e Spider-Man përsa i përket ndarjes Sony/Marvel. Nëse kemi të bëjmë me personazhin e Vulture në Morbius, ai mund të shërbejë si ura lidhëse që i mungon historisë. Kjo bën edhe më shumë kuptim po të shikoni me vëmendje skenën në trailer ku Morbius ecën rrugëve me kominoshe portokalli, sikur sapo është arratisur nga burgu.
Shikoni trailerin e filmit më poshtë: