Call of Duty: Modern Warfare dhe Warzone Season 5 do të lançohet këtë javë dhe siç pritej, do të vijë me një download gjigand. Sado që një përmasë specifike e file-it ende nuk është zbuluar, Paul Haile i Infinity Ward i ka paralajmëruar lojtarët që të presin një update të madh për lojën.
Në një seri postimesh në twitter, Haile shpjegoi se update-i i Season 5 do të jetë masiv, por se studioja do e përdorë atë për të optimizuar disa nga asset packs të lojës. Në thelb kjo do e lejojë Infinity Ward që të reduktojë sasinë e hapësirës që zë hard drive-i nga CoD: Modern Warfare dhe Warzone. Pra sado që update-i i Season 5 do të jetë i madh, file i Modern Warfare dhe Warzone përgjithësisht do të jetë më i vogël.
Përmasa e fileve të Call of Duty: Modern Warfare ka qenë gjithmonë një pikë konflikti mes shumë fansave, pasi loja dhe battle royale-i Warzone, zënë shumë hapësirë.