Data e lançimit të Modern Warfare Warzone mund të jetë zbuluar në lojë

Në këtë pikë është vetëm çështje ditësh.

Seti i fundit i patch notes të Call of Duty: Modern Warfare mund të ketë futur me lezet në lojë datën e lançimit të mode-it të ardhshëm battle royale, Warzone.

Update-i i djeshëm solli një hartë të re në lojë të quajtur Bazaar. Lojtarët tashmë kanë zbuluar një Easter egg brenda kufijve të saj. Një zonë që lexon datën 03/03 me (March 3) të shkruajtur poshtë.

Kjo datë përkon me raportimet e mëparëshme për lançimin e Warzone, që mendohej të vinte diku nga fillimi i marsit. 3 marsi rastis të jetë edhe e martë, që është zakonisht ajo ditë e javës që Infinity Ward sjell update në lojë.

Është interesante, sepse edhe menuja e Modern Warfare është update-uar me patch-in e fundit. Një ekran “Transmission Incoming” është shtuar në sektorin e “Classified” në meunë kryesore, duke sugjeruar se Infinity Ward është afër zbulimit të diçkaje.

Sigurisht që ka patur shumë leaks që kanë konfirmuar pak a shumë se battle royale i Modern Warfare është thjesht çështje kohe. Disa thashetheme sugjerojnë se ai mund të lançohet edhe më vete si free-to-play.

Nëse 3 marsi do të jetë realisht data e lançimit të saj, atëherë nuk na mbetet shumë për ta zbuluar.