Modern Warfare është loja më e luajtur që prej Black Ops 2
Modern Warfare është loja më e luajtur që prej Black Ops 2
Gjenerata e re e konsolave është shumë afër, por kjo nuk e ndalon serinë Call of Duty të festojë arritjet e lojës së tyre më të re, Modern Warfare. Sipas një deklarate zyrtare nga Activision Blizzard, loja e Infinity Ward është Call of Duty më i luajtur i kësaj gjenerate konsolash.
Kjo gjeneratë ka nisur në 2013, kur Xbox One dhe PlayStation 4 u lançuan si pasueset e Xbox 360 dhe PS3. Tani, ka ardhur koha për Xbox Series X dhe PS5, të cilat do të lançohen në fund të 2020.
Vetëm në 50 ditë, Modern Warfare ka arritur të jetë loja më e luajtur, me mbi 500 milionë orë të luajtura dhe mbi 300 milionë ndeshje multiplayer.
Call of Duty: Modern Warfare gjithashtu ka arritur të jetë dhe loja më e shitur e kësaj gjenerate për Call of Duty. Sipas Activision Blizzard, Modern Warfare është loja më e shitur e 2019, me mbi $1 miliardë fitime.
Sukses ka patur gjithashtu edhe Call of Duty: Mobile, loja e parë mobile e serisë, duke arritur 100 milionë shkarkime vetëm në javën e parë dhe duke fituar $87 milionë në 2 muaj.
Activision Blizzard citon veçoritë e reja të lojës si pika kyç e suksesit, duke vënë në dukje cross-progression dhe cross-save, si dhe mënyrën e re që ata po përdorin për të sjellë kontent në multiplayer, duke mos i detyruar lojtarët të blejnë season pass ose DLC.