Sezoni i tretë i Call of Duty: Modern Warfare, që kishte brenda tij shumë ndryshime brenda Warzone, harta të reja multiplayer dhe armë të reja, është duke ardhur drejt fundit. Me hype-in që po rritet për Season 4, lojtarët duan të shohin se çfarë i pret.
DATA E LANÇIMIT TË SEASON 4
Çdo sezon i Modern Warfare zgjat afërsisht tetë javë dhe me Season 3 që erdhi në 8 prill, mund të presim që sezoni i katërt të vijë të mërkurën e 3 qershorit, ose një datë e përafërt.
Sado që S3 erdhi ditën e mërkurë, update-et e mëdha zakonisht bëhen të martave dhe Battle Pass-i momental është planifikuar të mbarojë të martën e 2 qershorit, ndaj këto janë dy datat më të predispozuara për ardhjen e Season 4.
WARZONE NË SEASON 4
Warzone ishte shtojca e re e prezantuar në Modern Warfare Season 2, duke u bërë sa hap e mbyll sytë një fenomen në skenën e lojërave battle royale.
Në sezonin e tretë kishte shumë playlists dhe variacione në Warzone, si prezantimi i Quads, Stimulus Solos dhe shumë të tjera. Gjithsesi ajo që lojtarët nuk pëlyen ishte eleminimi i Duos, ndaj shumë besojnë se Season 4 mund ta rikthejë këtë mode.
Pak pas ardhjes së Season 3 filluan të sugjeroheshin ndryshime të hartës në Warzone, ndaj mos prisni që ti shikoni gjërat njëlloj në Season 4.
HARTA, ARMË DHE BATTLE PASS I RI
Sado që nuk ka patur shumë detaje për hartat dhe armët e reja në Modern Warfare, ka patur leaks që kanë sugjeruar rikthimin e dy armëve klasike në CoD, Vector dhe Galil.
Duhet sqaruar se Infinity Ward nuk ka konfirmuar asnjë prej këtyre leaks ose sugjerimeve, ndaj ende mbetet të presim të shohim ardhjen e Season 4 për tu siguruar.