Call of Duty: Modern Warfare pati një vit të shkëlqyer në 2019. Loja ishte loja me shitjet më të mira të 2019s vetëm një muaj pas lançimit të saj. Pak pas kësaj, u zbulua se ajo ishte multiplayer-i më i luajtur në të gjithë serinë e lojërave. Pra nuk ka nevojë ta themi, që shumë njerëz janë duke luajtur Modern Warfare momentalisht.
Edhe 2020 duket se po ndjek të njejtin ritëm për lojën. Infintiy Ward ka vazhduar ta update-ojë lojën përgjatë muajit të fundit të 2019s dhe nuk po tregon shenja ndalimi as në 2020ën. Për ti falenderuar lojtarët që po suportojnë lojën dhe për ta nisur vitin e ri me këmbën e mbarë, Activision do të lançojë një tjetër event Double XP së shpejti për shumicën e lojërave Call of Duty dhe Modern Warfare nuk bën përjashtim.
Për ata që mund të mos e dinë, eventet Double XP janë periudha në Call of Duty ku ndeshjet online multiplayer japin dyfishin e pikëve të eksperiencës që ju fitoni. Në shumicën e rastëve, këto evente përhapen edhe në mode të tjera të lojës, si Special Ops. Eventi i ardhshëm Double XP do të lanohet në 10 janar dhe do të zgjasë deri në 13 janar.
Activision e bëri këtë njoftim si pjesë e blogut Call of Duty Briefing, ku kompania dha edhe disa njoftime të tjera. Për shembull, Activision njoftoi se një update i ri do të risillte mode të reja dhe të vjetra të lojë.
Gjithsesi, së fundmi duket se Infinity Ward e ka dëgjuar realisht komunitetin dhe kërkesat e tij për lojën, duke komunikuar mes ta përmes platformave si Twitter dhe Reddit. Se fundmi, një nga artistët e lojës, Joel Emslie, komentoi në Reddit se skuadra ishte e interesuar të sillte një kamoflazh armësh në sistemin e skineve të Modern Warfare.