Call of Duty: Modern Warfare 2 Remastered do të lançohet këtë vit në PS4, Xbox One dhe PC me një multiplayer, ose të paktën kështu e ka thashethemi. Lajmi vjen nga një tjetër leak për mode-in battle royale të Call of Duty: Modern Warfare.
Ky është një lloj thashethemi që qarkullon çdo vit dhe zakonisht nuk rezulton të jetë i vërtetë, por këtë vit, fansat e Call of Duty po shpresojnë se do të ketë ndonjë përjashtim. Fundja nuk është se ka ndonjë mënyrë më të mirë për të ndjekur nga pas një reboot të Call of Duty 4: Modern Warfare se sa tu japësh atyre një arsye për tu rikthyer në lojën që ndoqi first-person-shooter-in ikonik.
Thashethemi vjen nga një përdorues i Twitter. Kjo adresë ka bërë leak Gunfight Alpha përpara se të lançohej vitin e kaluar, ndaj shumë njerëz e konsiderojnë si burim të besueshëm. Personi në fjalë ka bërë leak informacione për Call of Duty: Warzone, battle royale-in e përfolur të Infinity Ward për Modern Warfare.
Activision ka konfirmuar se do të njoftojnë remasters të ndryshëm këtë vit. Disa prej këtyre mendohet të jenë: Tony Hawk’s Pro Skater 1 dhe Tony Hawk’s Pro Skater 2, por është plotësisht e mundur që Call of Duty: Modern Warfare 2 Remastered të jetë gjithashtu pjesë e listës.
Duhet të cilësojmë se si çdo thashethem ose leak i bërë më parë ky nuk duhet marrë menjëherë si i mirëqenë, por një gjë është e sigurtë. Të gjithë do të ishim shumë të interesuar për të parë një Remaster të Call of Duty: Modern Warfare 2.