Mod më i fundit i Rocket League e kthen lojën në Among Us

Kemi parë shumë njerëz të cilët kanë krijuar Among Us në lojëra të ndryshme dhe kësaj here do të vijë në Rocket League

Among Us dhe Rocket League në pamje të parë nuk kanë asgjë të përbashkët. Gjithsesi të dyja ka fituar një popullaritet të madh kohët e fundit dhe me sa duket ka për të vazhduar akoma. Kjo ka bërë që shumë modder ta krijojnë ketë lojë nëpër lojëra të ndryshme dhe kësaj here në Rocket League.

Among Us është një prej lojërave më popullore të momentit me gameplay e tij të thjeshtë por argëtues. Rocket League gjithashtu ka fituar një popullaritet të lartë pasi loja u bë falas ose pas bashkëpunimit që bëri me lojën Fortnite. Kjo gjë bëri që një modder të krijojë Among Us në Rocket League duke përdorur mjetet kreativë që loja i ofron.

Ky projekt po drejtohet nga një map designer i quajtur Lethamyr i cili është gjithashtu një streamer dhe lojtar profesionist në Rocket League. Ai ka krijuar shumë harta të ndryshme për ketë lojë por deri më tani asnjë nuk ka qënë kaq emocionuese sa ky projekt.

Ai është duke punuar momentalisht me dy modder të tjerë të gjuajtur Gidek dhe CinderBlock të cilët janë më të fokusuar në pjesën e gameplay dhe rrjeteve. Të tre shprehet se janë tepër të emocionuar për ketë projekt dhe se kanë punuar në të më shumë se gati 1000 orë.

Grupi ka qënë gjithmonë i hapur duke treguar dhe postuar herë pas here informacione dhe foto që prej fillimit të tyre. Herë pas here ata kanë postuar gjendjen dhe statusin e tyre si në postimin e mëposhtëm në Twitter.

Fatkeqësisht akoma nuk ka një datë lançimi të saktë dhe shumë fansa prej të dyja këto lojëra janë të emocionuar dhe mezi po e presin ta provojnë ketë mod. Ky mod do të jetë vetëm në PC pasi akoma nuk ka një infrastrukturë për modder që të sjellin projektet e tyre.