A do të donit t’i jepnit The Elder Scrolls Online një provë pa shpenzuar një qindarkë? Bethesda ka zgjidhjen. Botuesi ka njoftuar se, si pjesë e festimeve të QuakeCon, MMO-ja do të vihet në dispozicion për të gjithë pa pagesë për gjashtë ditët e ardhshme.
Kjo fillon sot, e enjte 9 gusht, në orën 10:00. Eventi ‘free’ do të vazhdojë deri të mërkurën 15 gusht në orën 10:00. E përfshirë është loja Elder Scrolls Online në tërësinë e saj, si dhe zona Vvardenfell, të cilat duhet t’ju mbajnë shumë të zënë gjatë periudhës gjashtë ditore. Nëse tashmë e keni lojën kryesore, por nuk e keni blerë Vvardenfell, ju do të jeni në gjendje të përdorni edhe këtë zgjerim falas. Dhe mos u shqetësoni për PlayStation Plus, pasi nuk do të keni nevojë për një abonim për shërbimin e Sony për të marrë pjesë.
Kjo lidhet me shitjen aktuale të QuakeCon të PlayStation Store të SHBA-së, e cila përfshin përmbajtjen Elder Scrolls Online, kështu që nëse ju pëlqen ajo që luani, është në dispozicion me një çmim të reduktuar. Kjo është një mundësi e mirë për t’i dhënë RPG-së një provë, pasi ne mendojmë që është një përvojë e nënvlerësuar në PS4.
Po ju, do ta provoni Elder Scrolls Online gjatë Quake-Con? Pranoni ‘quest’-in në komentet e mëposhtme.